لحظة صدق
في لحظ صدق مع نفسي
واجهت القلب وعاتبته
بكل صراحة كان نفسي
ادوب في الحب وحكايته
عايزني ليه أعيش وحدي
وعمري يفوتني ويعدي
وانده له مايسمعني
واحايل فيه ولا يهدي
بلاش الصمت جاوبني
على سؤالي اللي حيرني
*
*
*
*
وقرب مني وهمس لي
وقالي ليه تحسسني
بإني فاقد الاحساس
ده انا حسك وحاسسني
بفكر فيك وشاغلني
وياما فكري سهرته
بنفسك شوف دول العشاق
آدي السهران وادي المشتاق
وده عايش ومتحير
وده بيبكي من الاشواق
ولسه عايزني اتغير ؟؟؟
وادوب في الحب وحكايته
0 التعليقات:
إرسال تعليق