تقدر تنسى ياقلبي

عاجبك كده ياقلبي ادي اللي انت شاريه 

يرفض يقبل حبي اللي عرضته عليه 

لاكن الحق عليا اللي طاوعت عنيه 

كان فيها ايه لو اخبي شوقي ولوعت قلبي 

لاكن النار القايده جوا ضلوعي كويتني 

واما عينيها ابتسمت قلت دي حبتني

واما بدأت اتكلم قالت لأ صدتني 

تقدر تنسى ياقلبي 

لا مش هقدر انسى 
انسى عيون فتنتني .. انسى رموش سحرتني
انسى حياتي وعمري 

ايه ده ياقلبي ازاي انت بتتحداني 

طالب مني اعيش جوا نار كوياني 

غريبه .. لالا ده مش قلبي ده قلب حد تاني 

لا ياسيدي انا قلبك لاكن مش بإيديه 

لو نسيانها بإيدي يبقى الحق عليا 

لو تقدر تنساها انسى ياسيدي هواها 

بس ساعتها هاقولك انساني ويايها 

مش هقدر انساها

كلمات / سيد الرميلي