القدس

صوت انفجار هزني كسر جدار الهمس

لما البطل شرف وسألني ايه القدس

بص في عينيه بعنيه قايده شرر وشرار

شد القميص قال كفايه ذل ومهانه وعار

بعت القضيه ليه زي اللي باع العرض

يومها الكسوف هدني وعينيه جت في الارض

نفضل نقيم علاقات ونقدم اعتذارات

يبقى القتيل مننا ونرفع الرايات

في شرع مين ياخال شرف العروبه اتهان

دي القدس دي ارضنا ورمز للأديان

يامسلمين لله بقى هو ده حالنا

نجيب لروحنا العار والذل لعيالنا

ماتقوم ياعم صلاح وتعلم اخفادك 

مجد العروبه راح والبركه في ولادك

هرجع لارضي واطوف واقطع قميص اليأس

هامشي وادوس ع الخوف يلا بنا يالفونس

وامانه ياما ان رجعنا زغروده ياغاليه

وان صابوني برصاصهم زغروده م العاليه

الشمس ماتدفي الا اللي تحتيها

والارض ماتحضن الا اللي يحميها

كلمات / سيد الرميلي