يافلسطيني هتفضلي حرة
رغم رياح الغدر المرة
لسه طيورك في السما تجري
تبكي بدم جمال الدره
يافلسطيني هتفضلي حره
قول لحمام القدس يرفرف
كل العالم بكره هيعرف
موتي لارضي ألذ واشرف
حجري هيشعل ضي الثورة
يافلسطيني هتفضلي حره
سيل الدم هيصبح شمس
تحرق عتمة ظلم الامس
تزعق فينا بعنف وهمس
قلب ولادي الباب والصخرة
يافلسطيني هتفضلي حره
لسه ايام صعبه وهتعودي
وتلبسي تاج النور وتسودي
يخنق ضيك حقد يهودي
تلمي ولادك تاني ياصابرة
يافلسطيني هتفضلي حرة
صامدة وشاكرة مأدية فرضك
عيسى وموسى صلوا في ارضك
اما شارون فينهش عرضك
لاكن مهما يطولك عذرا
يافلسطيني هتفضلي حرة
قدسنا مش للبيع ف البورصة
حلمنا نار ودي اخر فرصة
قبل مايشنقوا حلم الاقصى
يافلسطيني هتفضلي حرة
طفله ف نابلس مش خوافه
بتحدف جمر يحرر يافا
وف بيت لحم تموت بلطافه
زي فراشة نور منتصرة
يافلسطيني هتفضلي حرة
انا وحبيبتي في يوم هنزورك
وبأحلامنا هنروي بذورك
عشقنا مدفون جوه جذورك
دفا وغناوي مشاعر حارة
يافلسطيني هتفضلي حرة
بين الغام او اسلاك شايكة
هيطلع ورد ويرقص دبكة
فوق القدس تغني ملايكة
على ايتام او شهداء بررة
يافلسطيني هتفضلي حرة
0 التعليقات:
إرسال تعليق